Góóóóða kvöldið!!! Hver bjóst við þessu?? Hehe ekki ég allavega En við verðum að fara hratt yfir sögu þar sem ég gæti átt það á hættu að sofna yfir tölvunni ef ég sit svona mikið lengur hehe. Verst að maður er bara búinn að gleyma öllu merkilegu sem maður hefði getað sagt, en höfum þetta bara einfalt og þægilegt: Punktaform!!

• Það klikkaði ekkert í Desember, nema ef vera skyldi snjórinn. 13.desember gerðust þó mikil tíðindi þegar systir mín eignaðist stelpu og það ekkert smá flotta, hún verður bara fallegri með hverjum degi sem líður  Svo komu jólin... þau liðu hjá eins og venjulega með legusárum og áti og áramótin voru sæmileg, ekkert úber góð en það slapp alveg.
• Ég er kominn í nýtt starf hjá BYKO, sumir myndu kalla það stökk upp á við, aðrir niður á við...ég veit ekki hvort er hehe
• Ég skellti mér suður um helgina í skírn hjá frænkunni og fékk hún nafnið Ásta Rósey, allir mjög sáttir með það. Annars var ekkert annað merkilegt gert í borginni nema þjóta út og suður á pínulitlum fjólubláum Renault Megane, ekki slæmt það!!!
• Jaaaaaáá ekkert meira að segja um það held ég bara!! Annars skellti ég mér í blak áðan sem verður að teljast stórfrétt að því leyti að ég vaknaði kl.5:50 í morgun takk fyrir.. ég held að það sé met hjá mér, en fyrir þá sem langar að vita hvernig það er að þá get ég sagt ykkur að það er ógeðslegt. En nóg um það, ég fór auðvitað á kostum í blakinu og sé eftir því meir og meir á hverri æfingu að hafa klúðrað tækifærinu á atvinnumennsku í blakinu... en talandi um bolta, að þá er handboltinn að sjálfsögðu í aðalhlutverki í dag og maður fékk bara fiðring í allan líkamann við að munda boltann við punktalínuna í kvöld hehe Ég ætla ekki að drepa ykkur úr leiðindum með væmnu bloggi um landsliðið og HM að öðru leyti en að ég hef heyrt að almúginn í Danmörku sé kominn í undanúrslitin og sé bara að spá hvort þeir fái Pólverja eða Rússa í næsta leik. Svona hugsunarháttur er náttúrulega bara pirrandi og vonandi náum við að þagga niður í þessum kaffiBaunum með sigri á morgun. Það er nú eða aldrei, það er of seint að taka á í leiknum um 5. eða 7.sætið!!! Ég veit ekki með ykkur en ég ætla allavega að missa mig yfir sjónvarpinu á morgun, okkar leikmönnum, gólfinu, dómurunum, áhorfendum, búningunum og bara öllu!!! ...

var þetta kannski aðeins of væmið? Jæja þá, ÁFRAM ÍSLAND!!!

Ohh ég kemst í svo mikið jólaskap við að heyra þetta lag!! Ég er búinn að hugsa alla vikuna “Ég get ekki beðið eftir föstudeginum því þá ætla ég að blasta Last Christmas og Band-Aid í botn!!” því að þá kemst ég í jólaskap, ekki fyrr og ekki seinna. Og hvaða dagur er þá betri til þess en 1.desember, maður spyr sig?? Mér hefur alltaf fundist Band-Aid lagið frá 1985 algjör snilld og ekkert smá átakanlegt. Þess vegna fór það dáldið fyrir brjóstið á mér þegar þetta lag var “endurgert” (eyðilagt) fyrir nokkrum árum með rappi og þvíumlíku. Það var samt eitt sem skemmti mér þegar þetta lag kom út, en það var þegar menn voru að reyna að útvega sér þetta lag ólöglega á netinu. Hversu sorglegur ertu orðinn þegar þú stelur lagi sem er framleitt í þeim tilgangi að safna fé fyrir fátæka sem vita ekki hvort þeir fái vatn þann daginn, mat þessa vikuna eða lifi yfir höfuð mánuðinn af? (Sorry allir þeir sem gerðu það)Last Christmas hefur hinsvegar alltaf verið uppáhalds jólalagið mitt, en ég man sérstaklega eftir því hvað það var gaman að horfa á myndbandið á Skjá einum, jólin sem stöðin kom á Reyðarfjörð (á REYÐARFJÖRÐ suckers!!), það var bara eitthvað svo jólalegt, vinir fara saman uppí fjöll til að halda jólin, fara út í snjókast...

Ég vil bara taka það fram að ég er ekki mikið jólabarn þó að þetta líti kannski þannig út hehe

En já, jólin eru að koma ef þið vissuð það ekki. Það fer ekki framhjá manni þegar maður vinnur í verslun, í dag snýst allt um að kaupa jólaseríur, ljósaskraut og ljót gervitré (Húsasmiðjutré) sem hrynur alveg jafn mikið af greinunum eins og á lifandi tré. Ég hugsa með hryllingi til síðustu dagana fyrir jól þegar allt verður á haus í búðinni og tölvukerfið hrynur (ég held að það hafi gerst fimm sinnum í dag), en maður fær þó allavega jólastemninguna beint í æð, það er huggun (Y).

Ég ætlaði að vera með rosalegar pælingar í þessu bloggi, en einhverjum hluta vegna er ég alveg tómur í augnablikinu. Mér dettur þó eitt í hug. Hafiði pælt í mönnunum sem eru alltaf að reyna að finna upp eitthvað til að slá algjörlega í gegn, leggja kannski aleiguna í eina litla hugmynd til þess að reyna að verða frægir og ríkir viðskiptamenn? Mér datt þetta í hug þegar ég sá hið mesta þarfaþing koma með vörusendingu í BYKO um daginn, en það er eitthvað sem er nauðsynlegt á hvert heimili. Hver kannast ekki við það að þurfa að skafa af bílnum í hríðarbyl en vera að krókna úr kulda? Þá kemur nýja skafan til hjálpar, en hún er með áföstum vettlingi þannig að maður getur skafið af bílnum áhyggjulaus. Einfalt en áhrifaríkt.

Mér datt nú bara eitt í hug, en ég vil vekja athygli á því að þetta var mjög djúp pæling og tók langan tíma ...hefur engum dottið í hug að nota vettling og halda á sköfunni?

Ég kveð með desemberkveðjum.

Lifið heil.

Ohh ég kemst í svo mikið jólaskap við að heyra þetta lag!! Ég er búinn að hugsa alla vikuna “Ég get ekki beðið eftir föstudeginum því þá ætla ég að blasta Last Christmas og Band-Aid í botn!!” því að þá kemst ég í jólaskap, ekki fyrr og ekki seinna. Og hvaða dagur er þá betri til þess en 1.desember, maður spyr sig?? Mér hefur alltaf fundist Band-Aid lagið frá 1985 algjör snilld og ekkert smá átakanlegt. Þess vegna fór það dáldið fyrir brjóstið á mér þegar þetta lag var “endurgert” (eyðilagt) fyrir nokkrum árum með rappi og þvíumlíku. Það var samt eitt sem skemmti mér þegar þetta lag kom út, en það var þegar menn voru að reyna að útvega sér þetta lag ólöglega á netinu. Hversu sorglegur ertu orðinn þegar þú stelur lagi sem er framleitt í þeim tilgangi að safna fé fyrir fátæka sem vita ekki hvort þeir fái vatn þann daginn, mat þessa vikuna eða lifi yfir höfuð mánuðinn af? (Sorry allir þeir sem gerðu það)Last Christmas hefur hinsvegar alltaf verið uppáhalds jólalagið mitt, en ég man sérstaklega eftir því hvað það var gaman að horfa á myndbandið á Skjá einum, jólin sem stöðin kom á Reyðarfjörð (á REYÐARFJÖRÐ suckers!!), það var bara eitthvað svo jólalegt, vinir fara saman uppí fjöll til að halda jólin, fara út í snjókast...

Ég vil bara taka það fram að ég er ekki mikið jólabarn þó að þetta líti kannski þannig út hehe

En já, jólin eru að koma ef þið vissuð það ekki. Það fer ekki framhjá manni þegar maður vinnur í verslun, í dag snýst allt um að kaupa jólaseríur, ljósaskraut og ljót gervitré (Húsasmiðjutré) sem hrynur alveg jafn mikið af greinunum eins og á lifandi tré. Ég hugsa með hryllingi til síðustu dagana fyrir jól þegar allt verður á haus í búðinni og tölvukerfið hrynur (ég held að það hafi gerst fimm sinnum í dag), en maður fær þó allavega jólastemninguna beint í æð, það er huggun (Y).

Ég ætlaði að vera með rosalegar pælingar í þessu bloggi, en einhverjum hluta vegna er ég alveg tómur í augnablikinu. Mér dettur þó eitt í hug. Hafiði pælt í mönnunum sem eru alltaf að reyna að finna upp eitthvað til að slá algjörlega í gegn, leggja kannski aleiguna í eina litla hugmynd til þess að reyna að verða frægir og ríkir viðskiptamenn? Mér datt þetta í hug þegar ég sá hið mesta þarfaþing koma með vörusendingu í BYKO um daginn, en það er eitthvað sem er nauðsynlegt á hvert heimili. Hver kannast ekki við það að þurfa að skafa af bílnum í hríðarbyl en vera að krókna úr kulda? Þá kemur nýja skafan til hjálpar, en hún er með áföstum vettlingi þannig að maður getur skafið af bílnum áhyggjulaus. Einfalt en áhrifaríkt.

Mér datt nú bara eitt í hug, en ég vil vekja athygli á því að þetta var mjög djúp pæling og tók langan tíma ...hefur engum dottið í hug að nota vettling og halda á sköfunni?

Ég kveð með desemberkveðjum.

Lifið heil.

Okei, núna er ég búinn að vera með Word-skalið opið í örugglega tíu mínútur og sit hérna kófsveittur við að reyna að byrja þetta blogg nógu gáfulega...hvað ætti maður að gera? Maður gæti reynt að vera eins svalur og Bert og félagar í denn tíð og hrópa “HÆ SKUTLUR OG SKVÍSUR” eins hátt og maður getur. Eins gæti ég reynt að kafa aðeins inn á við og finna uppruna minn með því að þruma “Takið hinni postulegu kveðju!!”. Eins og ég segi, þá er þetta allt undir mér sjálfum komið og kannski best að tala bara frá hjartanu.

Síðan síðast (haha vá hvað er langt síðan) hef ég nú brallað ýmislegt. Ég asnaðist til að skrá mig á dómaranámskeið vegna mikillar pressu samverkamanna minna og hef ég því setið og lesið knattspyrnulögin öll kvöld og brutt Rautt eðal ginseng af mikilli áfergju til að halda einbeitingunni. Merkilegt hvað maður verður hyper af öllu þessu ginsengi... prófið er um næstu helgi og auðvitað býst maður ekki við öðru en að maður negli það. Ég er líka með alla réttu taktana í það að verða dómari!!

 

                       

 

Humm já síðasta helgi var þokkaleeeeg. Stefán surtur kíkti í heimsókn þar sem hann var á undirbúningsæfingum undirbúningstímabilsins (snilldar orð) og að sjálfsögðu tékkuðum við á lífinu í bænum. Það reyndist ekki vera mjög fjölþjóðlegt (eingöngu Pólverjar) þannig að við ákváðum  klukkan korter í tvö að skella okkur á ball á Eskifjörð. Vorum mættir gallvaskir í miðasöluna um tvö og alveg tilbúnir í fjörið, en tekur hljómsveitin þá ekki pásu!! Typical... En þetta var nú samt alveg hörkuball þennan klukkutíma sem við vorum þarna og sá ég ekki eftir þessum pening, tjah ef ekki skyldi hafa verið fyrir Stefán líka.. hehemm. En atvik kvöldsins var án vafa bílferðin með leigubílstjóra nr.1 í Fjarðabyggð en hann var kominn með DVD í bílinn hjá sér..sweet!!

Þessi helgi má segja að hafi verið hundleiðinleg þar sem ég hef þurft að hanga inni alla helgina af því að ég er kominn með kvef, og það örugglega í 4.skipti í vetur!! Ég hlýt að vera gangandi læknisfræðilegt undur þar sem ég held að hinn venjulegi maður fái ekki kvef svona oft... maður getur samt skemmt sér ágætlega yfir þessum raunum ef maður hefur ímyndunaraflið (geðveikina?)  í lagi, en andardrátturinn hjá mér er á köflum ANSI skrautlegur og ég get ekki ímyndað mér annað en að ég hljómi eins og Pegasus þegar ég sef...

Lítið annað í fréttum þessa dagana heldur en prófkjör hingað og þangað. Arni Nonnsen er á leiðinni á þing, flestum landsmönnum (að ég held) ekki til svo mikillar ánægju. Það verður allavega gaman að horfa á Alþingi núna þegar þetta breytist aftur í söngvastund þar sem DJ Nonnsen tryllir lýðinn...Vertu til er vorið kallar á þig, vertu til að leggja hönd á plóg!!

Planið er að fara suður um næstu helgi...spurningin er hvort ég hafi eitthvað þangað að gera??
Cheers

 

 

P.S. ég vil að lokum lýsa yfir stríði við Liverpool. Þeir höfðu 2.000 kall af mér í dag!!!

Titillinn segir allt sem segja þarf um mig í dag.

 

Sumir segja að það sé kominn vetur...ég segi að það sé kjaftæði. Sumir vilja meina að  kuldinn úti sé vetrinum um að kenna...ég hlusta ekki á það. Hins vegar gengur mér illa að útskýra það af hverju ég var næstum búinn að fljúga á hausinn fyrir utan Fingurbjörgina (Fjarðabyggðarhöllina) í kvöld, ég hlýt að hafa hrasað um skóreimarnar...

Þetta blogg í kvöld verður ekki ósvipað orðum kvöldsins á Rás 2 þar sem ég er orðinn freeekar þreyttur og tek þetta allt á rólegu nótunum, enda engin ástæða til annars. En eitt af rökunum sem menn nota fyrir því að veturinn sé kominn, eru þau að nú eru mýsnar farnar að færa sig fullmikið upp á skaftið inní húsunum. Ég hélt að einhver hefði fótbrotið sig í morgun í vinnunni, slík voru óhljóðin og lætin sem ég heyrði en svo kom í ljós að viðkomandi hafði séð mús. “Mús, gaman gaman!!” hugsaði ég og hljóp af stað en púff!! Músin horfin. Það var eins og hún skynjaði það í allan dag að ég ætlaði að fanga hana og henda henni út í kuldann (ekki drepa hana, myndi aldrei detta það í hug!!) vegna þess að hún virtist alltaf hverfa þegar ég ætlaði að ná henni. Ég var nú farinn að efast um sannleiksgildi þessara sagna í lokin, ég fékk aldrei að sjá eða heyra neitt um þennan músagang...

Farið varlega næstu daga, mýsnar leynast út um allt og stökkva fram þegar þið eigið síst von á því. Hvað sem þig gerið samt, EKKI drepa þær!!

Ætlaði að koma með aðra pælingu í lokin og er hún um dýr, eða nánar tiltekið skordýr. Ég tók eftir því inná baði áðan að loftljósið er alveg þakið dauðum flugum (það var líka alveg hætt að sjást inná baði) og fór aðeins að pæla, veit ekki hvort einhver hafi rannsakað þetta... ætli sjálfsmorðstíðni hjá flugum sé mikil? Og ef svo er, ætli hún sé meiri á haustin en á öðrum tíma ársins? Þessum flugum hlýtur að líða alveg rosalega illa þar sem þær lifa ekki lengur en hvað, tvo þrjá daga, og hugsa þá kannski bara: Vá núna er ég búinn að lifa í 4 klst, djöf. er lífið ömurlegt!! Best að fara og steikja mig á þessu ljósi þarna.
Spurning um að fara og fá styrk frá Háskóla Íslands til að rannsaka þetta...

Fóstbræður klárlega að gera sig

En ég er mættur á ný eftir langt og launað frí frá bloggheiminum. EN, ég þó ég sé að bulla hérna eitthvað núna þýðir það ekki að þetta verði reglulegt, ÓNEI!!

Við skulum fara hratt yfir sögu síðan síðast. Ég fór á konukvöldið á Fáskrúðsfirði. Ekki það að ég hafi verið í einhverjum óvenjulegum aðgerðum undanfarið, heldur var ég að þjóna...já þið heyrðuð rétt!! Hverjum hefði dottið það í hug að ég myndi enda sem framreiðslumaður á einhverju dekurkvöldi hjá kvenþjóðinni?? Neinei, hverjum hefði bara dottið það í hug að ég yrði þjónn yfir höfuð einhvern tímann?? En þetta var bara ágætt, tók dáldið á en ég væri alveg til í að prófa þetta aftur. Það var góður stemmari á þessu en ég held að þessi mynd lýsi best stemningunni á staðnum:

http://www.123.is/faskrudsfjordur/albums/759917655/Jpg/027.jpg

 

 

Haha þvílík dramatík í gangi!!

Humm hvað var aftur næst á dagskrá... já vörutalning í BYKO um síðustu helgi, vúhú!! Það þýddi að sjálfsögðu að maður mátti ekkert gera af sér um helgina heldur þurfti maður einfaldlega að sofna fyrir framan sjónvarpið FYRIR kl.12 á laugardagskvöldið. Samt ef maður pælir í því er fátt eins gott og það, ahh...

Í gær þegar ég fór í vinnuna var gjörsamlega glergljái á götunum, við erum að tala um eins og einhver hafi misst risastóra eistneska ljósakrónu á götuna!! Maður skautaði í vinnuna og innan skamms fór að snjóa!! Og enginn smá snjór þetta, þetta var sannkallað jólakortamyndaveður. En hér kemur pælingin: Í hádeginu þegar ég labbaði í vinnuna var ég greinilega í ágætu stuði þar sem innan í hausnum á mér glumdi hástöfum “jingle bells, jingle bells, jingle all the way, trallalalralala”...við erum að tala um viðbjóðslegt slabb á götunni og ógeðslega rigningu, akkúrat draumajólaveðrið!! Ég spyr bara, er þetta í lagi????

 

 

Ég ákvað að drífa mig í íþróttahúsið áðan eftir langa hvíld frá íþróttabölinu. “Já hann hefur skellt sér í fótbolta”, hugsa kannski flestir, en neineineinei, ég fór í blak!!! Haha já það er satt, ég ákvað að fara í þjóðaríþrótt Norðfirðinga eftir tveggja vikna væl í Gísla um að mæta á æfingu. Mér fannst þetta bara nokkuð gaman þó að ég sé náttúrulega miklu betri en allir hinir haha en neinei þó ég segi sjálfur frá var ég nokkuð öflugur. Ég átti allavega nokkrar svakalegar laumur og uppgjafirnar eru baneitraðar !! Einhver til í að endurvekja blaklið í karlaflokki...?

Uss þetta blogg var alltof langt, ég er hættur!!
Lifið heil

Þegar ég kom út í morgun fannst mér nú eitthvað skrýtið vera á seyði, það var eitthvað skrýtinn litur á húsinu... þegar betur var að gáð kom í ljós að húsið var þakið litlum Björk Guðmundsdóttir (fiðrildum) og lágu þær í þúsundatali utan á húsinu og sugu viðarvörn af miklum ákafa af timbrinu... ég veit ekkert hvort að fiðrildi geri það og svo taldi ég nú bara fimm kvikindi, en mig langaði bara að lífga aðeins uppá þetta...

En gott kvöld!! Ástæðan fyrir þessari frásögn hérna að ofan var nú bara að mig langaði aðeins að lífga uppá þessa litlausu síðu með smávegis ævintýralegri frásögn úr mínu lífi, enda vita menn að mitt líf er með eindæmum ævintýraríkt..ehemm

Ég veit ekki hvort allir hafi fengið svona póst frá Núinu, en það á víst að vera aðalmálið í dag. Menn velja bara einhvern kassa og svara svo spurningu og bingó!! Einn á móti fimm að menn vinni einhvern svaka vinning eins og t.d. ferð fyrir tvo til Búdapest fyrir tvo o.fl. Já það er þetta o.fl. sem er í aðalhlutverki og EKKI Í FYRSTA SINN. Jújú, að sjálfsögðu skráði ég mig í þetta og skráði einnig nokkra í leiðinni (Þetta á við um þig Petra!! Hehe ) og ekki leið á löngu þangað til vinningarnir tóku að streyma inn!!! Hvað var þá í vinning.. jú, 2 fyrir 1 í einhverri pínulítilli Videoleigu sem er úr alfaraleið í einhverju bakhúsi!! Síðan þá hef ég tvívegis fengið vinning í þessu, og í bæði skiptin var það 2 fyrir 1 á videoleigu, en aldrei sama leigan...talandi um frábæra vinninga hérna

Það er alveg merkilegt hvernig maðurinn hagar sér... ég veit ekki hvernig það er almennt en mér finnst ekkert skemmtilegra en að tala um vinnuna þegar ég er kominn heim eða í fríi. Ég veit ekki hver er ástæðan fyrir þessu, en það getur ekki verið eðlilegt að hugsa svona...Það gæti verið að ég kunni ekki að skilja vinnuna almennilega eftir þar sem hún á heima, það gæti verið að mér finnist ég vera að gera eitthvað gagn sem ég vil ólmur komast í, eða þá að mér finnist einfaldlega svona gaman í vinnunni. Þetta er pæling...held að þetta sé ekki eðlilegt en ég er ekki viss. Reyndar finnst mér mjög gaman í vinnunni.. svona næstum alltaf.

 

Ég var að hugsa um að koma með hugleiðingu en ætli ég láti hana ekki bíða betri tíma.

Lifið heil

 

P.S. mig langar svooooo í Snúning með Mars, þrist og hlaupi, ARG!!!

Það er með eindæmum hvað karlmenn geta verið agalausir og án alls metnaðar stundum...eða bara alltaf. Ég get nú sagt ykkur ágætis sögu af því. Í gærkvöldi stóð ég sjálfan mig að því, TVÍVEGIS, að gera eitthvað sem ég á alls ekki að gera. Um kvöldmatarleytið byrjaði ég að reyna að blekkja sjálfan mig á fullu, með frösum eins og “ég hef verið svo duglegur alla vikuna” og “það er nú laugardagur maður!!”, og að sjálfsögðu féll ég í svaðið. Seinna um kvöldið greip löngunin mig aftur af enn meiri krafti en áður. Í þetta skiptið tókst mér að hafa hemil á mér í fyrstu tveimur köstunum en í þriðja kastinu réð ég ekkert við mig, ég varð bara að fá mér kók!!! Menn hugsa örugglega: Drengur maður, þú mátt alveg fá þér smá kók á laugardegi!! En ég má það eiginlega ekki, ekki fyrir það að ég fitni heldur af því að glerungurinn á tönnunum er í maski og ég verð að drekka sem minnst af súrum drykkjum. Ég gerði þó eins gott úr þessu og ég gat og notaði rör við að drekka þetta, þannig að ég fékk bara 100% kolsýru beint ofan í streptókokkana í hálsinum, SWEEET!!! Burn baby burn!!

En aðalástæðan fyrir því að ég er að deila þessum tilgangslausu upplýsingum með ykkur er að mér finnst það dálítið skondið hvað maður getur verið eins og lítill smákrakki þegar maður gerir eitthvað sem maður má ekki gera, ég held sveimér þá að litlu krakkarnir hafi meiri aga heldur en karlmenn á fyrstu fullorðinsárunum...

 

 

Ég vil að The Police komi saman aftur og spili á Íslandi!!! Er ekki einhver sem er með mér í að láta þetta gerast?? Þyrftum reyndar örugglega að borga Sting eitthvað fyrir að koma fram en það eru örugglega bara smáaurar...

Þessi vika hefur verið ansi skrautleg þegar kemur að heilbrigðismálum mínum, en það má segja að ég hafi verið nær fastagestur á öllum helstu læknastofum Eskifjarðar og Reyðarfjarðar í vikunni. Þetta byrjaði með því að ég lét loksins verða af því eftir mikið nöldur, að hringja í vakthafandi lækni á sunnudagskvöldið út af útbrotum og kláða sem ég hafði verið með undanfarna daga. Jújú, að sjálfsögðu vildi hann skoða mig UNDIR EINS (enda fær hann borgað fyrir það) en vissi eiginlega ekkert hvað þetta væri, var nokkuð viss um að þetta væri vírus en sagði þá að ekkert væri hægt að gera, sagði mér þó að tala við sig aftur eftir nokkra daga ef þetta væri ekki farið að lagast. Sjúkrasagan mín hélt áfram á þriðjudaginn þegar ég fór til augnlæknis sem dæmdi mig blindan (svona næstum, allavega dáldið verri sjón en síðast) en við ræddum einnig um þann möguleika að ég gæti notað linsur þannig að prepare ladies, Atlzenegger is on his way!! Allavega, ég ákvað að tala við hinn lækninn út af þessum útbrotum en hann leit á mig í ca. 10 sekúndur og sagði svo: Þú ert með Pityriasis Rosea. Ég var náttúrulega bara “Aaaaaaa”, enda vita allir hvaða sjúkdómur það er Þetta er víst alveg meinlaust, en gengur yfir á 4-6 VIKUM!! Halló!!! Hvað er í gangi...

En já svo var lokahnykkurinn á þessum hrakförum mínum ferð til læknisins í gær, en þá dæmdi hann að ég væri með streptókokka í þriðja eða fjórða sinn á ævinni (ég þarf að fara að fá svona afsláttarkort af pensillíni). Þannig að ég hef bara legið heima síðustu daga og stefni á að taka því rólega um helgina svo ég komist örugglega í sæluna eftir helgi, vúhú!!

Mig langar aðeins að tala um RÚV, í örugglega fjórða skipti eða eitthvað. Ég er mikill Bylgjumaður og hef verið það lengi, en Bylgjumenn hafa oft sætt miklu aðkasti úti í samfélaginu og ég vil bara segja að við erum líka fólk og höfum tilfinningar!! En já, Rásar 2 menn segja oft að Bylgjan sé bara síbylja sem spili alltaf sömu lögin dag eftir dag, oft á dag. Ég get svosem alveg tekið undir það, en hún spilar bara einfaldlega það sem fólk vill heyra. Í sömu andrá tala menn um að hvergi annarsstaðar en á Rás 2 geti ungir og efnilegir tónlistarmenn komið sér á framfæri. Í þessari viku, frá síðasta föstudegi, hef ég beðið hvorki meira né minna en sex sinnum um að Out Loud séu spilaðir í Popplandi en aldrei er það gert. Rás 2 ættu nú alveg eins að horfa í sinn eigin barm því að mér finnst sömu lögin hafa vera spiluð út í eitt síðustu vikur, eins og t.d. Snow Patrol, Baggalútur og Stebbi og Eyfi (hef ekkert á móti þessum flytjendum, bara að vekja athygli á máli mínu). Annars hef ég oft beðið um lag á Bylgjunni og það hefur alltaf verið spilað fyrir mig...

 

Paparnir eru að spila á Eskifirði annað kvöld. Ég var svo farinn að hlakka til að fara á almennilegt ball einusinni, en neeeeeeeeii þá þarf ég að veikjast, ARG!! Ég neyðist bara til að liggja heima í veikindunum og horfa á Stiklur Ómars Ragnarsson í staðinn...

 

Hérna situr maður fyrir framan sjónvarpið í góðum fíling, nýkominn úr sturtu og nýrakaður eins og fínn maður (reyndar ekki, en maður má alltaf láta sig dreyma um að maður nenni að láta verða af því). Hvað er þá betra en að gera sér dagamun, vafra um netið í leit að dægradvöl og verða sér út um mikinn og góðan fróðleik?

Hvernig væri það ef maður myndi alltaf tala og blogga svona? Ég held það yrði frekar leiðinlegt til lengdar... á ég að prófa að blogga svona í kvöld? Nii held ekki!!

Það er þriðjudagur í dag, sem þýðir að vikan er tæknilega séð nýbyrjuð, en það er strax kominn helgi í mig með tilheyrandi leti og deyfð í vinnunni. Þetta er farið að gerast alltaf fyrr og fyrr í vikunni. Í síðustu viku var ég farinn að finna þetta á miðvikudeginum, í næstu viku verður það sennilega mánudagur... kannski fer þetta svo annan hring? Maður veit ekki.. Annars er nú lítið að frétta. Ég skellti mér á fyrstu æfingu vetrarins hjá besta (en jafnframt óheppnasta) liði Austurlands, Súlunni í knattspyrnuhöllinni okkar frægu. Það er svosem ekki í frásögur færandi að öðru leyti en því að ég var í marki allan tímann!! Ég veit hvað menn hugsa: “En þú getur ekkert í marki!!!” Ég er nú ekki alveg sammála því, en aðalástæðan var sú að ég sé ekki rassgat í fótbolta og er því alveg gagnslaus úti á vellinum. Í stuttu máli sagt átti ég stórleik í markinu (reyndar mjög lítið að gera) og varði t.d. eitt skot meistaralega, ég verð aldrei þreyttur á að segja þessu sögu hehe  Einhver úr hinu liðinu var kominn nálægt markteignum og skaut ekki-svo-föstu-en-allan-tímann-við-jörðina skoti sem stefndi beint í bláhornið. Ég ákvað þá á sekúndubroti að elta boltann og skutlaði mér niður leiftursnöggt og sló boltann út fyrir völlinn = Stórglæsileg markværsla á heimsmælikvarða sem sjálfur Marcus Hahnemann hefði verið stoltur af!!

Eins og menn hafa kannski tekið eftir er ég alltaf röflandi útí RÚV á þessari síðu varðandi metnaðarleysi í íslenskri dagskrárgerð. Það má segja að metnaðurinn hafi verið í hámarki hjá þeim í kvöld en kannski ekki frumlegheitin: Stefnuræða forsætisráðherra og umræður um hana! Það voru örugglega þúsundir manna sem sátu og bölvuðu Ríkisútvarpinu í sand og ösku fyrir þessa tímaeyðslu en það er alveg hægt að skemmta sér yfir þessu ef maður hefur nægt ímyndunarafl og kannski örlitla geðveiki. Maður getur bara setið og hugsað og ímyndað sér að maður sé að tala við og svara manneskjunni. Ingibjörg Sólrún var t.d. að halda ræðu, en eins og allir vita hef ég rosalegt álit á þeirri manneskju (hóst). En hún var að segja að það yrði að skipta um ríkisstjórn í næstu kosningum, en þá hugsaði ég: “Ég er fullkomlega sammála þér!!!... en við erum örugglega ekki með sömu ríkisstjórnina í huga!!” Haha hljómar eins og brandari í rússneskum gamanþætti um líf fólks í bæjarblokkunum...nógu sorglegt er það allavega.

Ég ætla að hætta þessu rugli í bili Lifið heil

Haaaaaaaaaalló gott fólk!! Ég ákvað að setjast niður og skrifta smávegis fyrir bloggþyrsta lesendur þessarar síðu. Ég vek þó athygli á því að þetta blogg gæti orðið dálítið samhengislaust þar sem ég er að horfa á sjónvarpið, því eins og maðurinn sagði geta karlmenn ekki gert þrennt í einu, einungis tvennt. Mér finnst það einnig þurfa að koma fram að ég er að horfa á ALLIAS!! Af öllu í sjónvarpinu, hélt ég að þetta yrði það síðasta sem ég myndi horfa á, en hérna sit ég og hef í sannleika sagt bara nokkurn áhuga á þessu... life is weird isn’t it??

En já allavega. Það er nú eitthvað lítið að frétta þar sem lífið er nú með fábreyttasta móti hjá mér, vinna borða sofa. Talandi um það, en móðir mín ákvað að bregða undir sig betri fætinum (veit ekkert hvor er betri, held hún hafi ekki verið mikið í boltanum) og skella sér til Reykjavíkur og þar af leiðandi skilja okkur eftir eina með lyklaforráð. Þetta hefur það í för með sér að ég þarf að gera ýmislegt núna sem ég er ekki vanur að gera dags daglega, eins og að versla inn. Ég ákvað að vera flottur á því og elda fyrir sjálfan mig áðan, en ég tek það fram að það geri ég ekki oft!! Ég eiginlega skammast mín fyrir að vera svona ósjálfbjarga!! En já í stuttu máli má segja að ég hafi farið á kostum við eldavélina og komst alveg heill frá. Það er kannski algjör óþarfi að láta fylgja með hvernig tókst til við matargerðina, en ég borðaði þetta allavega og er nokkuð heill heilsu ennþá.

Ég held að það sé ekki hægt að blogga hérna án þess að skrifa skemmtisögu úr vinnunni, sem ég hef þó enga trú á að mönnum finnist skemmtileg (mér fannst það samt!!). En já, í gær og í fyrradag ákvað ég að taka aðeins til á verkfæralagernum mínum (ég er farinn að kalla þetta minn lagar, my precious!) og þegar upp var staðið var allt í einu farið að sjást í gólfið sem ég hef ekki séð síðan ég byrjaði að vinna þarna. En allavega, þá var ég farinn að hugsa út hvernig ég ætti að monta mig af þessu og var alveg tilbúinn með að kalla á strákana og segja: Hey, vissuði að gólfið er hvítt (haha lame djók maður!!) og ákvað ég í einhverjum fíflagangi að sparka léttilega í stafla af kössum á gólfinu, svona” GOTT Í ÞESSU” spark. Ég vissi þegar ég sveiflaði fætinum að þetta væri dauðadæmt, enda hrundi þetta allt í gólfið með ærandi hávaða, því að í þessum kössum voru hundruðir af hillufestingum úr járni!! Glæsilega gert Atli (Y).

Ég ætlaði að koma með hugleiðingu í þessu bloggi (svona eins og í messunni) en ég er orðinn alltof þreyttur og ætla að fara að sofa bráðum.

Ég bið að heilsa og vil vekja athygli á því að ef einhverjir vilja hlusta á beinar lýsingar af stjörnuhimninum bendi ég þeim á að stilla á Ríkisútvarp Rás 2 akkúrat núna (hvað var þetta...?)

Lifið heil

Gott kvöld. Eru allir ekki nokkuð hressir bara svona í byrjun vikunnar? Jújú, það er ekki annað hægt þar sem það er svo FRÁBÆR SJÓNVARPSDAGSKRÁ alltaf á Ríkissjónvarpi allra landsmanna. Á hvaða leið erum við eiginlega? Nú er nýjasta útspilið hjá RÚV spjallþáttur með Jóni Ólafssyni á besta tíma á laugardagskvöldum. Jújú fínt að hafa léttan spjallþátt en væri þá ekki hægt að hafa einhvern annan við stjórnvölinn, t.d. Gísla Martein (sry en ég bara dýrkaði þann þátt haha ), þar sem mér finnst Jón Ólafs vera alveg útbrunninn þegar kemur að stjórnun spjallþátta. Svo ekki sé minnst á Kastljós á sunnudagskvöldum... guð minn almáttugur hvað þessi manneskja fer í taugarnar á mér!! Það er enginn metnaður í íslenskri dagskrárgerð í dag. Þetta var öðruvísi fyrst þegar Sjónvarpið var að hefja göngu sína þegar skemmtilegir spjallþættir voru á dagskrá og sjónvarpsleikrit framleidd. Ég efast svosem um að unga kynslóðin í dag hafi gaman að svarthvítum sjónvarpsleikritum en samt...allavega metnaður í þá daga

En já að öllu nöldri slepptu. Það hefur nú lítið drifið á daga mína síðan síðast þar sem ég geri mjög lítið annað en vinna og sofna fyrir framan sjónvarpið á kvöldin. Í síðustu viku fékk ég þó góðan vin í heimsókn, Mr.Kvef, sem gerði mikinn usla þann stutta tíma sem hann kom, en sem betur fer hafði hann stutta viðdvöl. Haha ég man hvernig maður fagnaði því oft að vera veikur þegar maður var í grunnskóla af því maður þurfti ekki að fara í skólann!! Good times good times...

Hér kemur góð saga úr lífi mínu hehe, en ég skellti mér til tannlæknis í dag. Ég hljóma eins og þetta sé eitthvað sem maður gerir þegar maður er í stuði, “ég skeeellti mér til tannlæknis”, en það er víst ekki þannig heldur er maður boðaður í tíma og ótíma til þess að láta gera við eitthvað, what’s the deal?? Sumir þjást af mikilli tannlæknahræðslu en ég er ekki einn af þeim, nema ef vera skyldi af hræðslu við reikninginn eftir heimsóknina (ha ha þessi var sterkur!!), þannig að ég verð að finna mér eitthvað annað til dundurs heldur en að svitna í stólnum. Ég reyndi að finna eitthvað í loftinu, ég taldi t.d. kapalfestingarnar í loftinu ( þær eru 8 ) en það var ekki mikið að gerast þar. Mér finnst að tannlæknar ættu gera eitthvað í þessu. Þeir gætu málað loftin með litríkum myndum, útbúið svona græju þannig að maður gæti lesið í stólnum eða hengt sjónvarp fyrir ofan stólinn. Þetta myndi bæði leysa vanda þeirra sem leiðast hjá tannlæknum og þeirra sem þjást af tannlæknahræðslu, en vegna þessa myndi hugur þeirra dreifast frá tannlækninum og hræðsla þeirra minnka. Er þetta ekki alveg frábær hugmynd??

Mér lýst vel á Stöð 2, þeir eru byrjaðir að endursýna Fóstbræðraþættina frá upphafi á laugardögum. Það væri nú gaman að horfa á þá...EF maður væri með Stöð 2.... og EF maður kynni ekki alla þættina utan að

- Við verðum að kaupa mjólk
- Já nýmjólk
- Nei léttmjólk
- Nýmjólk eða enga mjólk!!

Ahh klassi..

You know the words...

Atli Már

Haaaaaalló!! Af hverju nennir maður ekki að blogga þegar maður hefur VIRKILEGA frá einhverju að segja? Núna sit ég og finn mig tilneyddan til að blogga eitthvað hundleiðinlegt þó að ég nenni því alls ekki. Úff þetta er erfitt líf!!

En kjellinn ákvað bara að skella sér til Sandgerðis á laugardaginn eins og glöggir menn tóku eftir, enda láta stuðningsmenn nr.eitt og tvö ekki svona mikilvægan leik framhjá sér fara. Þetta var í fyrsta sinn (að ég held) sem ég flýg til Reykjavíkur og aftur heim sama dag án þess að stoppa í borginni, og ég er ekki frá því að það hafi bara haft góð áhrif á mann að vera ekki að flækjast í Reykjavík í stressinu þar. En já my first time to Sandgerði, þessi bær leit alveg ágætlega út. Fyrir utan það að vera rokrassgat á enda veraldar var þetta vinalegur bær en gæti maður hugsað sér að búa þarna? Hmm...NEI. En já Fjarðabyggð vann titillinn að sjálfsögðu og var haldið heim með bikarinn í flugvélinni og ég held að flugfreyjan (og farþegarnir) hafi verið orðin dáldið pirruð á látunum í okkur sem voru ekki lítil!! Svo ákváðum við að labba allir saman inní flugstöðina með bikarinn og syngja til að nudda Njarðvíkingum upp úr þessu, en neinei þá voru þeir bara farnir!! Þeir hafa örugglega leigt vél sérstaklega til að þurfa ekki að mæta okkur. Um kvöldið var svo skundað á lokahóf sem tókst bara nokkuð vel og svo á ball sem var mjög fámennt en góðmennt.
En að aðaldeginum, gærdeginum. Ég vaknaði eldhress að vanda löngu upp úr hádegi og sá að það var brakandi blíða úti. Þá hugsaði ég með mér: Hvernig væri tilvalið að eyða deginum? Í BERJAMÓ AÐ SJÁLFSÖGÐU!! Þannig að partýið frá því kvöldið áður hélt bara áfram útí móa, þó að þetta séu nú engir móar lengur, maður þurfti bara að fara aðeins út fyrir nýju göturnar en þegar maður var lítill tók heilan dag að labba þarna upp í fjall og fara í gegnum hávaxna frumskóginn með sínum hættulegu lækjum. Að sjálfsögðu greip ég myndavélina með mér og tók nokkrar (mis)fagrar náttúrulífsmyndir af Reyðarfirði og ég skelli nokkrum hérna inn

 

 

Fögur er hlíðin... B-E-A-UTY!!!

 

 

Þessar kindur vildu vera með í partýinu... You mess with me, you mess with the rest of us

 

 

Reyðarfjörður - Bær framkvæmdanna. Í bakgrunni sést stolt Reyðarfjarðar, knattspyrnuhöllin Fingurbjörg

Ég sá nokkur nýbyggð hús í ferðinni og ákvað að skella einni inn til að minna á að húsbyggingar Íslendinga verða sífellt...fjölbreyttari, segi ekki meir!

 

 

Dæmi nú hver fyrir sig... maður veit ekki...

 

Lifið heil mörgæsir!!

 

 

 

- Nú ætla ég að tala hreint út!! Haldið að ég sé algjört fífl eða hvað?
- Ja við viljum síður særa þig þannig að ætli það sé ekki best að við sleppum því að svara þessari spurningu...

Hver man ekki eftir Nýju lífi?? Sniiiilld

En annars ætla ég að reyna að tala hreint út í þetta skiptið hehe. Ekki taka neitt inn á ykkur sem stendur hérna vegna þess að það ber ekki að taka því alvarlega

Þessi dagur hefur verið nokkuð ágætur bara. Ég gerði tilraun til að vakna í nótt og kjósa Magna en það var verk sem var of viðamikið til þess að það væri framkvæmanlegt. Í staðinn ákvað ég að sofna mjööög fast og koma of seint í vinnuna jebb mér tókst ekki að ná markmiðinu að mæta á réttum tíma í vinnuna. Eftir vinnu hljóp ég heim til að ná landsleiknum sem ég hafði beðið spenntur eftir í marga daga en ég varð vægast sagt fyrir vonbrigðum. Ok, ég veit að Íslendingar gera sér alltaf alltof miklar væntingar til landsliðsins og verða svo brjálaðir þegar þeir tapa fyrir miklu betra liði, en í dag varð ég ekki ánægður vegna þess að mér fannst þeir ekki gefa sig 100% í leikinn og í fyrri hálfleik skulfu þeir gjörsamlega á beinunum af hræðslu við Danina. Það má líka segja að í kvöld hafi ég skammast mín fyrir danskan uppruna minn vegna þess að í það kom greinilega í ljós í þessum leik að Danir eru ALGJÖRAR KÉLLINGAR í návígum. Það mátti ekki koma nær þeim en einn metra án þess að þeir flygju út af vellinum, Spánverjar aumingjar hvað? Það hefur reyndar runnið dáldið reiðin af mér síðan í kvöld en ég viðurkenni það alveg að ég verð oft alveg spinnegal yfir boltanum, það er ekkert að því

Fyrst ég er byrjaður að nöldra á annað borð verð ég að lýsa yfir hneykslun minni á skipulaginu hjá RÚV þegar þeir eru að sjónvarpa þessum landsleikjum. Það liggur við að það fari meiri tími í að sýna myndskot af þjálfurunum heldur en leiknum sjálfur, við erum ekki að borga fyrir þetta!!! Þetta hefur þó skánað mikið síðan Ásgeir og Logi voru með liðið, en þá var eins og RÚV hefði fengið borgað fyrir að auglýsa tyggjóið sem Ásgeir var með.

 

En að öðru, allt öðru (kaldhæðni, þetta snýst allt um fótbolta!!) Núna er stefnan sett suður um helgina. Til hvers? Jú, stuðningsmenn nr.1 þurfa að fylgja 2.deildar bikarnum heim í Fjarðabyggð þar sem hann á réttilega heima. Hmm sumir myndu telja það sorglegt að fara spes ferð suður til að horfa á einn fótboltaleik en maður lifir víst bara einu sinni og það er eins gott að nota það í flipp. Svo er maður nú ungur maður sem þénar á tá og fingri og þarf ekkert að borga í leigu, meðlög, rekstur á bíl o.s.frv. þannig að maður bókstaflega verður að reyna að losa sig við alla þessa peninga sem hlaðast upp hjá manni . Það er eins gott að þeir vinni þennan leik!!!

Lifið heil

Af hverju endar maður alltaf einn inni í stofu á sunnudagskvöldum, og klukkan er ekki orðin meira en 23? Það er alveg frábært hvernig sjónvarpstöðvunum tekst að hrekja fólk inn í rúm löngu fyrir miðnætti á sunnudagskvöldum, og stundum mætti halda að þær hafi ólöglegt samráð um hver fái að sýna lélegasta sjónvarpsefnið. Ég hef oft sagt að sunnudagar séu tilgangslausir dagar og eru þeir fyrir flestum annaðhvort þynnkudagur eða kirkjudagur. Er þá ekki bara tilvalið að hafa sunnudagana sjónvarpslausa? Ég held að það myndu fáir sakna þess, eða ekki ég allavega.

En já gott kvöld og afsakið þetta nöldur strax í byrjun  Nú er þessi helgi að baki (sem ég skil ekki hvernig gat liðið svona fljótt!) og ný vinnuvika að hefjast, sem verður reyndar stutt (styttri?) þar sem ég er í fríi á laugardaginn VÚHÚ!!  Helgin var bara alveg ágæt. Á föstudagskvöldið ákvað ég að drífa mig út og var í þessu líka þvílíka stuði, nú átti sko aldeilis að taka á því!! Ég beilaði á busaballinu en ég er nokkuð sáttur við það þar sem ég hef ekki heyrt góðar sögur af því. En já, í stuttu máli má segja að ég hafi endað í sófanum heima eftir að hafa keypt mér nammi og horfði á DVD. Talandi um að vera partýdýr nr.1 Ég skellti mér eldhress í vinnu daginn eftir, dandalaðist eitthvað allan daginn og kíkti svo aðeins á Café Kurva um kvöldið en þar var fjölmennt en illmennt að vanda. Sunnudagurinn er svo ekki í frásögum færandi vegna almenns sunnudagsþunglyndis. Talandi um þetta, ætli ég sé nokkuð einn um það að þola ekki sunnudaga? Ég held að þetta væri tilvalið rannsóknarefni fyrir félags- og sálfræðinga og ég legg til að þetta verði kallað Atli-Syndrome þegar þetta verður fullrannsakað, annað væri bara ekki sanngjarnt.

 

 

Jæja ég nenni ekki liggja lengur hérna, en að lokum ætla ég þó að koma með nokkra punkta:

•  Ég hef ekki ennþá komist í berjamó síðan berjapælingarnar komu fram. Stofnun Félags íslenskra berjaáhugamanna er þó í fullum gangi og tek ég enn á móti skráningum. Ég SKAL komast í berjamó fyrir veturinn!!
• Ég hef sett mér nýtt markmið varðandi næstu viku en það er að mæta á réttum tíma í vinnuna. Þeir sem þekkja mig vita að þetta er næstum því óhugsanlegt en ég ætla allavega að gera heiðarlega tilraun til þess og læt ykkur vita af gangi mála síðar í vikunni.
•  Þetta hljómar kannski asnalega, en ég er dáldið farinn að sakna VA eftir að skólinn byrjaði. Ég á aldrei eftir að ganga ganginn, aldrei eftir að sitja og bíða eftir tíma, aldrei eftir að skila verkefni alltof seint... Ég óska hér með eftir sögum úr VA til að halda mér gangandi í vetur
• Þetta blogg er orðið alltof væmið og fyrir löngu orðið leiðinlegt

Lifið heil!!